हमासद्वारा बन्धक मुक्त गर्ने पहिलो चरणमा नेपाली नागरिक विपिन जोशी परेनन्

Prime TV News एक महिना अगाडि

काठमाडौ । इजरायल र हमासबीचको युद्धविरामसँगै हमासले शुक्रबारदेखि बन्धक मुक्त गर्ने प्रक्रिया सुरु गरेको छ। पहिलो चरणमा सार्वजनिक गरिएका ६ जना बन्धकको सूचीमा नेपालका विपिन जोशीको नाम समावेश छैन।

हमासले सार्वजनिक गरेको सूचीमा माटन एङ्गेर्स्ट, अलोन ओहेल, एइतान मोर, गाली, जिभ बर्मन र ओम्री मिरान रहेका छन्। यी सबै इजरायली नागरिकहरू भएको पुष्टि गरिएको छ। गाजाबाट छोडिने बन्धकहरूलाई अन्तर्राष्ट्रिय रेडक्रस समिति मार्फत ल्याउने तयारी भइरहेको छ।

रिपोर्टहरू अनुसार, हमासको नियन्त्रणमा रहेका केही बन्धकहरूलाई दुई वर्षअघि नियन्त्रणमा लिएको मानिएको छ र तीमध्ये करिब २० जना जीवित रहेको अनुमान गरिएको छ।

नेपालका बझाङका युवा विपिन जोशी, अक्टोबर ७ मा हमासको आक्रमणपछि हराइरहेका थिए। उनी इजरायलको एक कृषिक फार्ममा कार्यरत थिए र आक्रमणको बेला सम्पर्कविहीन भएका थिए। उनको अवस्थाबारे पुष्टि नहुनु नेपाली परिवार र सरकारकालागि अझै चिन्ताको विषय बनेको छ।

सरकारले जोशीको अवस्थाबारे जानकारी लिन निरन्तर कूटनीतिक पहल गरिरहेको बताइएको छ। इजरायली अधिकारी र अन्तर्राष्ट्रिय निकायहरूसँग सम्पर्कमा रहेर उनी सुरक्षित छन् वा छैनन् भन्ने पुष्टि गर्न प्रयास जारी छ।