प्रचण्ड, माधव नेपाल र शेखर कोइरालाबीच विराटनगरमा राजनीतिक छलफल
Prime TV News ३ हप्ता अगाडि 
काठमाडौ । नेकपाका संयोजक पुष्पकमल दाहाल, सहसंयोजक माधव कुमार नेपाल र नेपाली कांग्रेसका नेता डा. शेखर कोइराला बीच शुक्रबार विराटनगरस्थित कोइराला निवासमा भेटवार्ता भएको छ।
भेटमा मुलुकको समसामयिक राजनीतिक अवस्था, पछिल्ला राजनीतिक घटनाक्रम तथा राष्ट्रिय सरोकारका विषयमा विचार आदानप्रदान भएको जनाइएको छ। सहभागी नेताहरूले बदलिँदो राजनीतिक परिवेश, लोकतान्त्रिक प्रक्रियाको सुदृढीकरण र आपसी सहकार्यका सम्भावनाबारे समेत छलफल गरेको स्रोतले जनाएको छ।
भेटलाई पछिल्ला राजनीतिक घटनाक्रमका बीच प्रमुख दलका नेताहरूबीच भएको महत्त्वपूर्ण संवादका रूपमा हेरिएको छ। यद्यपि, छलफलबाट कुनै औपचारिक निर्णय वा संयुक्त वक्तव्य सार्वजनिक गरिएको छैन।
यस भेटले आगामी राजनीतिक गतिविधि र दलहरूबीचको संवादलाई थप गति दिन सक्ने अनुमान राजनीतिक वृत्तमा गरिएको छ।
