रास्वपाका सांसद दीपक बोहराका अनुसार भ्रमणको तयारी अन्तिम चरणमा पुगेको छ । यद्यपि भ्रमणको औपचारिक मिति भने सार्वजनिक गरिएको छैन ।

हाल भारत भ्रमणमा रहेका रवि लामिछानेले भारतीय प्रधानमन्त्री नरेन्द्र मोदी, गृहमन्त्री अमित शाह तथा विदेशमन्त्री जयशंकरसँग भेटवार्ता गरिसकेका छन् ।

भेटका क्रममा भारतले नेपालको वर्तमान सरकारसँग सहकार्य गर्न तयार रहेको सन्देश दिएको बताइएको छ । सोही विषयलाई अघि बढाउन परराष्ट्रमन्त्री खनालको भारत भ्रमण हुन लागेको स्रोतको भनाइ छ ।

भ्रमणका क्रममा खनालले भारतका वाणिज्यमन्त्री पीयूष गोयल लगायत उच्च अधिकारीसँग पनि भेट गर्ने कार्यक्रम रहेको छ ।