सन्दीप लामिछानेको नाममा नयाँ विश्व कीर्तिमान

Prime TV News १ हप्ता अगाडि

काठमाडौ । नेपाली राष्ट्रिय क्रिकेट टोलीका सदस्य  सन्दीप लामिछानेले एकदिवसीय अन्तर्राष्ट्रिय क्रिकेटमा नयाँ विश्व रेकर्ड कायम गरेका छन्।

कीर्तिपुरस्थित त्रिवि क्रिकेट मैदानमा जारी स्कटल्यान्डविरुद्धको खेलमा विकेट लिएसँगै उनले एकदिवसीय क्रिकेटमा सबैभन्दा छिटो १५० विकेट पूरा गर्ने कीर्तिमान बनाएका हुन्। लामिछानेले केवल ७३ खेलमै १५० विकेट पूरा गरेका छन्।

यसअघि यो रेकर्ड अष्ट्रेलियाका एक खेलाडीको नाममा थियो, जसले ७७ खेलमा १५० विकेट पूरा गरेका थिए। नेपाली क्रिकेटका प्रमुख स्पिनर लामिछानेले पछिल्ला वर्षहरूमा लगातार उत्कृष्ट प्रदर्शन गर्दै आएका छन्।

नयाँ विश्व रेकर्डसँगै उनले अन्तर्राष्ट्रिय क्रिकेटमा नेपालको उपस्थितिलाई थप बलियो बनाएका छन्।