रिपोर्टअनुसार नयाँ व्यवस्थामा देशको आणविक कमान्ड प्रणालीमाथि हमला भए तत्काल स्वचालित रूपमा आणविक आक्रमण सुरु हुने उल्लेख गरिएको छ।

इरानका सर्वोच्च नेता अली खामेनी र अन्य अधिकारीहरूको हालैको द्वन्द्वका क्रममा हत्या भएपछि बढेको विश्व तनावको बीच आएको बताइएको छ। इरानका सर्वोच्च नेता खामेनी यस वर्ष अमेरिका र इजरायलको संयुक्त सैन्य कारबाहीका क्रममा मारिएको दाबी गरिएको छ।

उत्तर कोरियाको सर्वोच्च जनपरिषद्ले मार्च २२ मा सुरु भएको अधिवेशनमार्फत यो संशोधन अनुमोदन गरेको बताइएको छ। दक्षिण कोरियाको गुप्तचर निकायले पनि यसबारे आफ्ना सरकारी अधिकारीलाई जानकारी गराएको समाचारमा उल्लेख छ।

यसअघि पनि उत्तर कोरियाले संविधान संशोधन गर्दै दक्षिण कोरियासँगको सीमालाई औपचारिक रूपमा उल्लेख गरेको थियो। साथै दुई कोरियाबीच पुनः एकीकरणको अवधारणासमेत हटाइएको बताइएको छ।

उत्तर कोरियाली नेता  किम जोङले हालै दक्षिण कोरियालाई “सबैभन्दा शत्रुतापूर्ण राज्य” भन्दै आणविक क्षमता अझ बलियो बनाउने बताएका थिए।