। दलित समूदायमाथि हिंसाका घटना बढ्दै गएको भन्दै प्रर्दशन

Prime TV News ३ हप्ता अगाडि

काठमाडौ । दलित समूदायमाथि हिंसाका घटना बढ्दै गएको भन्दै दलित अधिकारकर्मी तथा युवाहरुले काठमाडौंमा खवरदारीसहित प्रदर्शन गरेका छन् । 

देशभर दलितमाथि हिंसा, बलात्कार र हत्या बढ्दै गएको भन्दै पीडितहरुको न्यायका लागि भन्दै उनीहरुले बुधबार काठमाडौंको माइतिघरमा खवरदारीसहित प्रदर्शन गरेका हुन् । साथै उनीहरुले मृतकको आत्माको शान्तिका लागि दीप प्रज्वलन समेत गरेका छन् ।

प्रदर्शनमा सहभागीहरुले महिला हिंसा अन्त्य गर, बलात्कारीलाई कडा कारवाही गर, सरकार बदलियो, समाज बदलिएन, महिला शोषण विरुद्ध एक हौं लगाएतका प्लेकार्ड प्रदर्शन गरेका थिए । उनीहरुले निर्वाचनपछि दलित समूदायका व्यक्तिहरु संसदमा पुगेकाले अव दलितहरुको मुद्दालाई अघि बढाउनुपर्नेमा जोड दिएका छन् ।

साथै उनीहरुले यसअघि सडकमा बसेर संगै आन्दोलन गरेकाहरुले संसद र सरकारबाट दलित अधिकारका लागि गम्भीर भएर काम गर्नुपर्ने जनाएका छन् ।