पोखरेल दाङ प्रतिनिधिसभा क्षेत्र नम्बर–२ बाट उम्मेदवार रहेका छन्। सो क्षेत्रमा राष्ट्रिय स्वतन्त्र पार्टीका विपिन आचार्य विजयी भएका छन्। पोखरेलले आचार्यलाई पनि बधाई दिँदै सफल कार्यकालको कामना गरेका छन्।

निर्वाचन अभियानका क्रममा पार्टीका नेता–कार्यकर्ता तथा समर्थकले ठूलो मेहनत गरेको उल्लेख गर्दै पोखरेलले उनीहरूप्रति आभार व्यक्त गरेका छन्। तर ‘परिवर्तनको लहर’ का कारण आफ्नो प्रयास सफल हुन नसकेको उनले बताएका छन्।

लोकतान्त्रिक प्रक्रियामा हार–जित स्वाभाविक हुने उल्लेख गर्दै उनले निराश नहुन र सकारात्मक सोचका साथ देश र जनताको सेवामा निरन्तर लागिरहन सबैलाई आग्रह गरेका छन्।