“म यहाँहरूका बीच सूर्य चिन्ह लिएर निर्वाचनमा आएको थिएँ। तर यसपटक पनि यहाँहरूको विश्वास जित्न सकिनँ,” उनले लेखेका छन्। साथै उनले विजयउन्मुख उम्मेदवार तथा सम्बन्धित दललाई बधाईसमेत दिएका छन्।

भट्टराईले राजनीतिमा पराजय अन्तिम सत्य नभई आत्मसमीक्षा र नयाँ पाठ सिक्ने अवसर हुने उल्लेख गर्दै जनतासँगको सम्बन्धलाई अझ सुदृढ बनाउँदै अघि बढ्ने बताएका छन्।

यसअघि पनि काठमाडौं–४ बाट चुनाव लड्दा उनी गगन थापा सँग पराजित भएका थिए। यसपटकको हारसँगै उनले यस क्षेत्रमा तेस्रो पटक पराजय व्यहोरेका हुन्। सन्देशमा उनले काठमाडौं–४ बाट आगामी कुनै पनि निर्वाचनमा उम्मेदवार नबन्ने निर्णयसमेत सार्वजनिक गरेका छन्।