नेमकिपाको आधार क्षेत्रमा रास्वपाको घण्टी

Prime TV News ४ हप्ता अगाडि

काठमाडौ । भक्तपुर–१ निर्वाचन क्षेत्रमा जारी मतगणनामा राष्ट्रिय स्वतन्त्र पार्टीले अग्रता कायम राखेको छ।

चाँगुनारायण नगरपालिकाबाट सुरु भएको गणनामा रास्वपाका रूकेश रञ्जितले नेमकिपाका प्रेम सुवालमाथि महत्वपूर्ण अग्रता बनाएका थिए र भक्तपुर नगरपालिकामा प्रवेश गर्दा पनि नेमकिपाले मतान्तर घटाउन सकेको छैन। नारायणमान बिजुक्छे नेतृत्वको नेमकिपा २०४८ सालदेखि निरन्तर विजयी हुँदै आएको भए पनि यसपटक रास्वपाले चुनौती दिंदै मतान्तर फराकिलो बनाएको देखिन्छ।

हालसम्मको मत परिणामअनुसार रूकेश रञ्जितले १२,१७१ मत पाएका छन् भने प्रेम सुवालले ८,५३८ मत ल्याएका छन्। नेपाली कांग्रेसका किरण न्यौपानेले १,९८२ मत पाएका छन् भने चौथो स्थानमा १,१९३ मत रहेका छन्। राप्रपाका भरतबहादुर खड्काले ५३९ मत ल्याएका छन्। यसरी रास्वपाले नेमकिपाको लामो समयदेखि कायम अग्रतालाई चुनौती दिँदै मतपेटिका अग्रता फराकिलो बनाएको छ।

यो परिणामले भक्तपुर–१ क्षेत्रमा राजनीतिक गतिशीलतामा ठूलो परिवर्तन आउन सक्ने संकेत दिएको छ।