हरिराज अधिकारी गोरखा–१ बाट प्रतिनिधि सभा चुनावमा उम्मेदवार

Prime TV News २ महिना अगाडि

गोरखा । नेपाली कम्युनिष्ट पार्टीका नेता हरिराज अधिकारीले आगामी फागुन २१ गते हुने प्रतिनिधि सभा निर्वाचनका लागि गोरखा–१ बाट उम्मेदवारी दर्ता गरेका छन्।

मंगलबार उनी जिल्ला समन्वय समितिस्थित मुख्य निर्वाचन अधिकृतको कार्यालयमा पुगेका र आफ्नो मनोनयन पत्र पेश गरेका छन्। अधिकारी यस क्षेत्रका परिचित नेता हुन् र २०७४ सालको प्रतिनिधि सभा निर्वाचनमा पनि गोरखा–१ बाट विजयी भएका थिए।

त्यतिबेला उनले नेपाली कांग्रेसका नेता चिनकाजी श्रेष्ठलाई ३ हजार २ सय १७ मतान्तरले पराजित गरेका थिए। पुरानो अनुभव र पार्टी संगठनको बलमा अधिकारीको उम्मेदवारीले गोरखा–१ को चुनावी प्रतिस्पर्धालाई रोचक बनाएको छ।