चोरी भएका सामग्रीहरू फिर्ता गर्न अख्तियारको कडा सार्वजनिक सूचना

Prime TV News २ महिना अगाडि

काठमाडौ । अख्तियार दुरुपयोग अनुसन्धान आयोगले भदौ २४ गतेको आन्दोलनका क्रममा आफ्नो कार्यालयबाट चोरी भएका सामग्रीहरू फिर्ता गर्नका लागि एक सार्वजनिक सूचना जारी गरेको छ। आयोगका अनुसार तोडफोड, आगजनी र लुटपाटमा संलग्न व्यक्तिहरूबाट विभिन्न सामानहरू जस्तै सवारी साधन, टिभी, कम्प्युटर, हार्ड डिस्क, स्क्यानर, क्यामेरा, आइप्याड, मोबाइल, ल्यापटप, हिटर आदि चोरी भएका छन्।

सिसिटिभी फुटेजको आधारमा तोडफोड र चोरीमा संलग्न व्यक्तिहरूको पहिचान गर्ने प्रक्रिया जारी रहेको आयोगले जनाएको छ। आयोगले सबैलाई आग्रह गरेको छ कि यदि कुनै व्यक्तिले यी चोरी भएका सामग्रीहरू लिएको वा प्राप्त गरेको छ भने, ती सामानहरू काठमाडौंको प्रहरी वृत्त मालीगाउँ वा आयोगको टङ्गालस्थित कार्यालयमा बुझाउन अनुरोध गरिएको छ।

अन्य स्थानका कार्यालयहरूको लागि, चोरी भएका सामानहरू नजिकको प्रहरी कार्यालय वा सम्बन्धित आयोगको कार्यालयमा बुझाउन भनिएको छ। यदि चोरी भएका सामग्रीहरू फिर्ता नगरे कानूनी कारबाही गर्न चेतावनी दिइएको छ।