किसान श्रेष्ठ नेतृत्वको समूह नेकपा एमालेमा फर्किने निर्णय

Prime TV News २ हप्ता अगाडि

काठमाडौ । नेकपा एकीकृत समाजवादीका नेता किसान श्रेष्ठले आफ्नो समूहका सदस्यहरूलाई नेकपा एमालेमा नि:शर्त रूपमा फर्किने घोषणा गरेका छन्। पत्रकार सम्मेलन गर्दै उनले एमालेमा फर्कने वताएका हुन् । उनले भने, "हामीले जीवनभर पार्टीको संघर्षमा योगदान दिएका छौं र अब आफ्नो घर, नेकपा एमालेमा फर्किन चाहन्छौं।"

नेता श्रेष्ठले एकता र समाहित हुने विचारलाई अस्वीकार गर्दै, नेकपा एमालेमा पसिना बगाएको मूल घर फर्किने विषयलाई प्राथमिकता दिएको बताए । उनले भने, "हामीलाई कुनै पनि बाह्य सहमति वा सर्त चाहिएको छैन, हामीलाई सम्मानजनक व्यवहार र खुलेर बोल्ने वातावरण मात्रै चाहिन्छ।"

श्रेष्ठसँगै, रामकुमारी झाँक्री र अन्य नेताहरूको पनि एमालेमा पुनः प्रवेशको प्रक्रिया सुरु भएको जनाइएको छ। किसान श्रेष्ठले आफ्नो समूहको निर्णयलाई साझा गर्दै भने, "हामीले हाम्रो पहिचान र राजनीतिक सिद्धान्तलाई कायम राख्दै, मूल पार्टीमा फर्किने निर्णय गरेका छौं। यस प्रक्रियामा कुनै पनि असमझदारीको स्थान छैन।"