केन्द्रीय बैंकले बजारबाट ४० अर्ब रुपैयाँ निक्षेपमा झिक्ने

Prime TV News ३ हप्ता अगाडि

काठमाडौ । नेपाल राष्ट्र बैंकले बुधबार बजारबाट ४० अर्ब रुपैयाँ निक्षेपमा झिक्ने निर्णय गरेको छ। बैंक तथा वित्तीय संस्थामा तरलता अधिक भएकोले राष्ट्र बैंकले बजारमा पैसा प्रशासित गर्न यो कदम चाल्ने भएको हो।

बैंकले यसअघि पनि नियमित रूपमा हरेक आइतबार र बुधबार निक्षेप संकलन उपकरण मार्फत पैसा झिक्दै आएको छ। यसपटक १७५ दिन अवधिका लागि बोलकबोल प्रक्रिया मार्फत रकम संकलन गरिनेछ। राष्ट्र बैंकले आज दिउँसो ३ बजेसम्म अनलाइन बोलकबोलमा सहभागी हुन बैंक तथा वित्तीय संस्थालाई आह्वान गरेको छ।

बोलकबोलमा घटीमा १० करोड र बढीमा पाँच करोड रुपैयाँले भाग गर्दा बाँकी रकम छुटाउने व्यवस्था रहेको छ। ब्याजदरमा बोलकबोल गर्नु पर्नेछ भने बहुब्याजदरमा बहुबोलकबोल पनि गर्न सकिने जनाएको छ। बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउने छन्। निक्षेप संकलनको साँवा र ब्याज भुक्तानी २०८३ बैशाख ९ गते हुनेछ।

यसअघि आइतबार पनि केन्द्रीय बैंकले ९० अर्ब रुपैयाँ निक्षेपमा झिक्ने सूचना जारी गरेको थियो। राष्ट्र बैंकले भदौ मसान्तसम्म निक्षेप संकलन र स्थायी निक्षेप सुविधामार्फत ६८ खर्ब रुपैयाँभन्दा बढी तरलता प्रशोचन गरिसकेको छ।